繼2018年起《初。撃薈》音樂會 反應非常熱烈。今年暑假期 GPE 舉辦了三場大師班，同年嘅《次。撃薈》加入咗不同嘅新元素，好開心可以為 Summer 畫上完美嘅句號。👏🏻👏🏻 而畫上句號的主角，是多年年學習一起扶持成長的 GPE 青年團菁英，當中包括八級至演奏級嘅專業成員，轉眼已成高中生，成為獨當一面嘅演奏者。
總監話，Summer 一曲改變為敲擊樂團作品，於暑假進行錄音及拍攝，首次錄影日就因為落雨被迫取消！呢班後生仔真係大個仔，再約補拍日子，早上八點集合都齊人！結果最後一take 即刻落雨，係青春啊😭😂👏🏻
GPE青年團日益成長，表演曲目亦每添豐富，慶幸音樂令唔同背景嘅人連結，喺音樂路上佢哋結識到一班真摯嘅朋友，佢哋一齊奮鬥、一齊分享音樂嘅喜悅，喺青蔥歲月留下唔少回憶！
大家一定聽過曲終人散，但當樂曲終結嘅時候往往會成為永恆記憶，像肉眼睇唔見到羈絆，有如小種子咁係心入面發芽，呢班年輕人嘅音樂路上亦一樣，注定唔會就此空手而散。
白駒過隙，離2020DSE不遠矣。同學都密鑼緊鼓準備考試、為前程努力，佢哋自初中就接觸音樂，過往曾經揮灑汗水、付出心力、堅持對音樂嘅熱誠和初心，為的是「讓琴棍在琴上歡躍；讓鼓棍在鼓上跳舞」。堅持實在不容易，現在只是畫上延音(fermata)，延音後面是一首等著佢哋去發揮嘅新樂章。
音樂總監Gip sir寄語:
我嘅第一個學生音樂會，他們已經在場，當時我於場刊設計寫下，
[ 學習音樂第一天，你就是音樂人，世界之大總有屬於你的舞台。]
他們是其中關鍵，讓我感受藝術教育使命和小成果，啟發我要推動 GPE 的成立。回想起因訓練過程已達到一定水平，對表現有要求，嚴厲造成壓力，謝謝你們撐得過去！
與其說各校青年於這裏成長，倒要多謝緣份讓我們與這裏加深了解，一起互相學習，創造回憶。等你們回來！
GPE 好高興伴隨住各位有志累積實力嘅年輕人走過數年看似唔長，但對成長極具份量嘅一段路。 Summer 就只作為一個延音，衷心祝福同學考試順利如意，靜待佢哋回來再為下個 Summer 增添風采，將呢份對音樂嘅熱誠和追求薪火相傳，帶領師弟師妹攜手並肩，感染並感受到心中對理想追求嘅一團火。
GPE 確信香港年輕人係有實力嘅一群💪🏻但願你走出半生，歸來亦是少年。
Comments